Маңғыстау мұнайшылары партиялық жұмыста да алда

"Маңғыстаумұнайгаз" компаниясы биыл екінші рет өткізілген «Үздік бастауыш партия ұйымы» республикалық байқауында 1-орынға қол жеткізді. "Нұр Отан" партиясының Маңғыстау облыстық филиалында жергілікті атқарылған жұмыстар сараланып, жеңімпаздар анықталды.

Республикалық сайыстың ережесіне сәйкес, арнайы комиссия құрылып, барлық қатысушылардың еңбегі бағаланды. Олар партиялық жобаларды жүзеге асыру, ішкі партиялық жұмыстарды жүргізу, жаңаша әдіс-тәсілдерді пайдалану, азаматтық бастамаларды іске асыру, атқарған іс-қимыл жемісін БАҚ бетінде көрсету, ұйым жетекшісінің белсенділігін анықтау және жастармен жұмыс нәтижелерін сараптау секілді бағыттар бойынша бақ сынасты. Аталған байқау қорытындысы бойынша, жүлделі 1-орын Ақтау қалалық филиалының «Маңғыстаумұнайгаз» бастауыш партия ұйымына табысталды.

"Арнайы марапат биік меже-мақсаттарға ұмтылдырады. Бастауыш партия ұйымдары қашан да алдыңғы шепте жүріп, қоғам ішіндегі сан түрлі құбылыстарды болжап, оларды тізгіндей алатын, ел тұтастығы мен тұрақтылықты қамтамасыз етіп, Елбасы бастамалары мен саясатын сәтті жүзеге асыруға қауқарлы патриот азаматтардың ордасы, бірліктің ұйытқысы. Бастауыш партия ұйымдары қызметінің маңызы мен рөлі қашанда зор", - дейді "Маңғыстаумұнайгаз" АҚ өкілдері.